Flutningur stofnana

Nú hefur landshlutanefnd framsóknar skilað skýrslu og vill flytja allar opinberar stofnanir í Skagafjörð,nema alþingi, og lögregluna á Hornafirði sem Sigmundur Davíð vill hafa fyrir norðan.Nú veit ég ekki hvort fleiri landshlutanefndir hafa verið skipaðar,en ef svo er,þá eru allar líkur á að upphefjist alsherjar slagsmál um hvert eigi að flytja stofnanafarganið.Til að koma í veg fyrir borgarastyrjöld legg ég til að allt batteríið verði flutt úr landi,fjármálaráðuneytið til Tortóla þar sem fjármálaráðherra kannast sennilega vel við sig,alþingi til Zimbabve,Mugabe tekur örugglega vel á móti skoðanabræðrum og systrum,fiskistofu þeirra LÍÚ manna til Congo þar sem þeir hafa ekki aðgang að sjó o.sv.frv.Sparnaður af þessum tilfærslum gæti numið hundruðum milljarða á ári og létt mjög líf almennings.

Ps.annars ætti ég ekki að vera að tuða þetta þar sem ég er flúinn af landi brott,en Íslendingurinn skýtur upp kollinum öðru hvoru þegar ég les um bullið í kerfinu.

 

Bestu kveðjur frá Noregi

Þórður Einarsson


mbl.is Leggja til flutning fleiri stofnana
Tilkynna um óviðeigandi tengingu við frétt

Nýtt verkalýðsfélag

Nú hafa sérfræðingarnir, sem sögðu okkur fyrir hrun að allt væri í himnalagi,stofnað verkalýðsfélag.

Með hag Íslands að leiðarljósi vona ég að þeirra fyrsta verk verði að boða verkfall. 


Lifsýni til gagns eða?

Lífsýnasöfnun ÍE hefur verið fyrirferðamikil í fréttum og á bloggi síðustu daga.Einhverjir siðanefndapostular gagnrýna söfnunina og að mér skilst bera fyrir sig persónuvernd,ekki hef ég heyrt neina gagnrýni þó vitað sé að fólk almennt dreifir lífsýnum sínum út um hvippinn og hvappinn dags daglega engum til gagns en oft til skaða.Alltaf hafa verið til menn sem sjá samsæri í hverju skúmaskoti,en almenn vænisýki er nýlegt tilfelli sprottin af hruninu og viðhaldið af vanhæfum stjórnvöldum og elítu sem hagnast alltaf á óróa og öryggisleysi almennings.Spurt er:Verður blóðgjöf næst fordæmd,þvagsýni dulkóðuð,hvar endar persónuvernd og hvar byrja almennar skyldur gagnvart þjóðfélaginu?Samkvæmt lauslegri og óvísindalegri könnun á umfjöllun um málið,sýnist mér örlítill vinstri halli á gagnrýninni svo ég leyfi þessu að fylgja með.

 

Vænisýki vinstrimanna

vefst nú fyrir vísindunum

Kára betl þeir vilja banna

bjarga þannig lífsýnunum.


Valkvíði

Íslenskur almenningur stendur frammi fyrir þeirri ömurlegu staðreynd,að þurfa að kjósa í vor fólk á þing sem það í fyrsta lagi vill ekki á þing,og í öðru lagi á flest þetta fólk ekkert erindi inn á þing.Annar höfuðverkur verður að sigta út öll framboðin,sem eru með nánast sömu stefnuskrána(þ.e.loforðalistana)og reyna að finna út hver er liklegur til að standa við eitthvað af loforðunum.Þetta verður þrautin þyngri,því forystusauðir flokkanna eru eins og strá í vindi ,og má ekki blása mikið til að þeir bogni undan álaginu.Afleggjararnir Bjarni Ben og Guðmundur Steingríms eru bara það og verða aldrei fullburða.Steingrímur J er búinn að týna baklandinu,Samfylkingin er við það að splundrast,enginn veit hver verður í forystu þar.Hægri Grænir,Dögun og hvað þeir nú heita allir þessir flokkar eða framboð,þar er enginn leiðtogi sem eitthvað kveður að.Næsta ríkisstjórn Íslands gæti hæglega orðið ansi köflótt pólitískt séð,og líkur gætu verið á 4urra eða 5 flokka stjórn.Fyrir slíkri stjórn þarf að fara sterkur leiðtogi sem ekki lætur vaða yfir sig,en líka þyrfti forsætisráðherra slíkrar ríkisstjórnar að geta farið úr pólitískri hempu sinni til að ná samstöðu.Þennan karakter kem ég ekki auga á í íslenskri pólitík í dag,kannski verður að leita hans annarsstaðar.Valkvíði almennings er þannig ekki án ástæðu,og jafnvel gæti kosningaþátttaka í vor endurspeglað þennan kvíða,mæting gæti orðið í sögulegu lágmarki

Opin stjórnsýsla........eða?

Var að hlusta á upplýsingafulltrúa ríkisstjórnarinnar,ég er engu nær um þessa opnu stjórnsýslu.Það virðist hvíla bankaleynd yfir öllum gjörðum Steingríms Sigfússonar,og á vefnum er hægt að nálgast upplýsingar um að upplýsingar verði kannski einhvern tíma aðgengilegar,þ.e.a.s.ef þær upplýsingar henta stjórnvöldum.Dæmið sem upplýsingafulltrúinn tók um opna stjórsýslu,þ.e.einkavæðingu bankanna,er í besta falli von stjórnvalda um högg á andstæðinga sína.En fulltrúanum er vorkunn því það virðist ljóst að hann er ekki upplýstur um eitt eða neitt,eða hitt að það sem hann veit er ekki fyrir hinn almenna borgara.
Svona þessu til viðbótar hlýtur ríkisstjórnin loksins að styðja við bakið á öryrkjum,þeir ætla jú að reyna að fjarlægja Ólaf Ragnar.

Með bestu kveðjum frá Noregi.

Flóttamaður


Auðir stólar

Er að horfa á þáttinn sem stuðningsfólki ICESAFE var boðið að stjórna á ÍNN.Þögn og þrír auðir stólar segja mér allt sem ég þarf að vita um þeirra málstað.Hann er akkúrat það sem ég horfi á núna,enginn.

Skömm þeirra er mikil að þora ekki að koma fyrir almenning og standa fyrir skoðunum sínum.

 


Sektir

Í fréttunum áðan var fjallað um fyrirtæki sem ekki höfðu skilað rekstrarreikningi og skattaskýrslum.Það mátti skilja á fréttinni að ábyrgðarmenn allra þessara fyrirtækja væru annað hvort svona miklir slúgsar eða hreinlega glæpamenn sem væru að fela eitthvað ólöglegt athæfi.Ekki datt fréttamanninum í hug að ástandið á vinnumarkaðnum hefði neitt með þetta að gera.Það vill svo til að skýrslurnar eru ekki á hvers manns færi,og ætlast er til að endurskoðandi skrifi upp á gjörningana.Fyrirtæki sem ekki hefur innkomu ræður ekki til sín rándýran starfskraft.Ég persónulega get ekki borgað fyrir þessa þjónustu með 69% atvinnuleysisbótum sem einhver dauðanefnd Steingríms dæmdi mér.Ég hef reynt að líta jákvæðum augum á fréttastofu sjónvarps,en eftir þessa umfjöllun sé ég að áróðursmaskínan er í fullum gangi í sjónvarpi allra "landsmanna",ég held ég skipti yfir á ÍNN.

Skjaldborg alþingis

Nú standa yfir umræður um rannsóknarnefndir á alþingi.Ég sé ekki betur en að alþingi sé að slá skjaldborg um sjálft sig,í frumvarpinu segir beinlínis að alþingi ákveði hvernig á að rannsaka,hvað megi segja hverjum,hvað skuli þegja um og hverjir sitja í nefndinni.Væntanlegar rannsóknir eru m.a.sparisjóðirnir,lífeyrissjóðirnir og íbúðalánasjóður.Í öllum þessum stofnunum eru pólitískt tengdir menn,og jafnvel hafa ráðherrar og þingmenn verið með puttana inni í þeirra málum,þannig að enn eina ferðina ætlar alþingi að skipa hefta nefnd sem engu skilar út í samfélagið nema nákvæmlega það sem þinginu þóknast.Betra væri að Hæstiréttur skipaði í slíka nefnd og ef eitthvað misjafnt er að finna hafi nefndin vald til að vísa málum til saksóknara.Ég tel að þó ekki komi nema eitt nafn alþingismanns upp í svona rannsókn,þá er alþingi sjálfkrafa vanhæft í heild sinni að hafa eitthvað með rannsóknina að gera.

Fögnuður.

Í Egyptalandi ríkir mikill fögnuður þessa stundina,Mubarak er farinn og vonandi fá Egyptar stjórn sem tekur á vandamálum þjóðarinnar sem eru margvísleg,og flest lúta að stjórnarháttum.Til að tryggja völdin dubbaði Mubarak yfirmenn í hernum í æðstu embætti burtséð frá hæfni þeirra til starfans.Minnir svolítið á Ísland.Tiltektar er þörf í Egypsku stjórnkerfi og vona ég að Egyptar geti nú fagnað faglegri endurreisn þessa forna menningarríkis sem átti ekki sinn líka í þúsundir ára.Það verður vonandi nýtt Egyptaland sem ég heimsæki næst.Síðan ætla ég rétt að vona íslensk stjórnvöld horfi til þess sem gerst hefur í Egyptalandi,og átti sig á að raunveruleg völd eru hjá fólkinu og fari að hlusta.

Samhljómur

Ég hef verið að fylgjast með atburðunum í Egyptalandi undanfarna daga,enda hef ég nægan tíma þar sem ég er atvinnulaus um þessar mundir,og af einhverjum ástæðum verður mér alltaf hugsað til ríkisstjórnar Íslands þegar fjallað er um viðbrögð Mubaraks forseta.Hringl með menn innan kerfisins til að sefa lýðinn,búinn að sjá það hér.Ákvarðanir þvert á þjóðarvilja í vafasömu umboði sem virðist í raun útrunnið,búinn að sjá það hér.Feluleikur æðstu manna,búinn að sjá það hér.Siðferðis og ábyrgðaleysi,búinn að sjá það hér.Valdahroki og spilling í ráðningum,búinn að sjá það hér.Niðurstaða mín er algjör samhljómur með ríkisstjórn Íslands og Mubarak,og ef stjórnvöldum dytti í hug að gagnrýna Mubarak ættu þau að líta sér nær fyrst.Að hanga á völdunum valdanna vegna er  í skemmdarverk gagnvart landi og lýð og ætti að vera refsivert samkvæmt hegningalögum,með þeirri undantekningu þó að sönnunarbyrðin sé á sakborningi eins og skattalögin eru eru í raun framkvæmd hér.

Næsta síða »

Höfundur

Þórður Einarsson
Þórður Einarsson
Þriggja barna faðir fjögur barnabörn,vinnusamur,fáskiptinn,hljóðlátur og þolinmóður þar til nú.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband